Sanjana Anand; ನನ್ನ, ಚಂದನ್‍ ನಡುವೆ ಏನಿಲ್ಲ: ಸಂಜನಾ ಆನಂದ್‍ ಸ್ಪಷ್ಟನೆ
ಚಂದನ್‍ ಶೆಟ್ಟಿ (Chandan Shetty) ಅಭಿನಯದ ‘ಸೂತ್ರಧಾರಿ’ ಚಿತ್ರವು ಮೇ 09ರಂದು ರಾಜ್ಯಾದ್ಯಂತ ಬಿಡುಗಡೆಯಾಗುವುದಕ್ಕೆ ಸಜ್ಜಾಗಿದೆ. ಈ ಚಿತ್ರದಲ್ಲಿ ‘ಡ್ಯಾಶ್‍’ ಎಂಬ ಜನಪ್ರಿಯ ಹಾಡಿದ್ದು, ಈ ಹಾಡಿನಲ್ಲಿ ಚಂದನ್‍ ಮತ್ತು ಸಂಜನಾ ಆನಂದ್‍ (Sanjana Anand) ಜೊತೆಯಾಗಿ ಕಾಣಿಸಿಕೊಂಡಿದ್ದರು. ಯಾವಾಗ ಈ ಚಿತ್ರದ ಹಾಡು ಮತ್ತು ಫೋಟೋಗಳು ವೈರಲ್‍ ಆಯಿತೋ, ಆಗ ಚಂದನ್‍ ಮತ್ತು ಸಂಜನಾ ಮದುವೆಯಾಗುತ್ತಿದ್ದಾರೆ, ಅವರಿಬ್ಬರ ನಿಶ್ಚಿತಾರ್ಥವೂ ಆಗಿದೆ ಎಂಬ ಸುದ್ದಿಗಳು ಸೋಷಿಯಲ್‍ ಮೀಡಿಯಾದಲ್ಲಿ ಕೇಳಿಬಂದವರು.
ಅವೆಲ್ಲವೂ ಸುಳ್ಳು:
ಆದರೆ, ಅವೆಲ್ಲವೂ ಸುಳ್ಳು ಎಂದು ಚಂದನ್‍ ಮತ್ತು ಸಂಜನಾ ಇಬ್ಬರೂ ಸ್ಪಷ್ಟಪಡಿಸಿದ್ದಾರೆ. ಇತ್ತೀಚೆಗೆ ನಡೆದ ‘ಸೂತ್ರಧಾರಿ’ ಚಿತ್ರದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿರುವ ಚಂದನ್‍ ಮತ್ತು ಸಂಜನಾ, ತಮ್ಮ ನಡುವೆ ಏನಿಲ್ಲ ಎಂದು ಹೇಳಿಕೊಂಡಿದ್ದಾರೆ.
ಈ ಕುರಿತು ಮಾತನಾಡಿರುವ ಸಂಜನಾ, ‘ನಾನು ಮತ್ತು ಚಂದನ್‍ ಎಂಗೇಜ್‍ ಆಗುತ್ತಿದ್ದೇವೆ ಎಂದು ಕೆಲವು ದಿನಗಳಿಂದ ಗಾಳಿಸುದ್ದಿಗಳು ಕೇಳಿಬರುತ್ತಿವೆ. ನನ್ನ ಮತ್ತು ಅವರ ನಡುವೆ ಏನೂ ಇಲ್ಲ. ಅವೆಲ್ಲವೂ ಸುಳ್ಳು. ಎರಡು ವರ್ಷದ ಹಿಂದೆ ಚಿತ್ರೀಕರಣದಲ್ಲಿ ಅವರೊಟ್ಟಿಗೆ ಕೆಲಸ ಮಾಡಿದ್ದು ಬಿಟ್ಟರೆ, ಅವರನ್ನು ಭೇಟಿ ಮಾಡುತ್ತಿರುವುದು ಇದು ಮೂರನೆಯ ಸಲ. ಈ ತರಹದ ಸುದ್ದಿಗಳು ಎಲ್ಲಿಂದ ಶುರುವಾಗುತ್ತವೆ ಎಂದು ಗೊತ್ತಾಗುವುದಿಲ್ಲ. ಈ ಸುದ್ದಿ ಕೇಳಿ ನಗು ಬಂತು. ಕೆಲವರು ತಮ್ಮನ್ನು ಎಂಗೇಜ್‍ಮೆಂಟ್‍ಗೆ ಕರೆಯಲಿಲ್ಲ ಎಂದು ಫೋನ್‍ ಮಾಡಿದ್ದರು. ಆಗ ಸುದ್ದಿ ಇಷ್ಟೊಂದು ದೊಡ್ಡದಾಗಿದೆ ಎಂದನಿಸಿತು. ಹಾಗಾಗಿ, ಈ ಬಗ್ಗೆ ಸ್ಪಷ್ಟೀಕರಣ ಕೊಡಬೇಕು ಎಂದನಿಸಿ ಈ ವಿಷಯ ಮಾತಾಡುತ್ತಿದ್ದೇನೆ’ ಎಂದರು.
ಇನ್ನು, ತಮ್ಮ ನಡುವೆ ಏನಿಲ್ಲ ಎಂದಿರುವ ಚಂದನ್‍, ‘ಡ್ಯಾಶ್‍’ ಸಾಂಗ್‍ ಪೋಸ್ಟರ್‍ ಇಟ್ಟುಕೊಂಡು, ನಮ್ಮಿಬ್ಬರ ನಿಶ್ಚಿತಾರ್ಥ ಆಗಿದೆ ಎಂದು ಕೆಲವರು ಟ್ರೋಲ್ ಮಾಡಿದರು. ನಾವಿಬ್ಬರೂ ರಿಸೆಪ್ಷನ್‍ನಲ್ಲಿ ನಿಂತಿರುವ ಫೋಟೋವನ್ನು AIನಲ್ಲಿ ಸೃಷ್ಟಿ ಮಾಡಿ, ಸೋಷಿಯಲ್‍ ಮೀಡಿಯಾದಲ್ಲಿ ಹಾಕಿದರು. ಇದಕ್ಕೆ ಸ್ಪಷ್ಟೀಕರಣ ಕೊಡುವುದಕ್ಕೆ ನಾನು, ಸಂಜನಾ ಕಾಯುತ್ತಿದ್ದೆವು. ಇಂದು ಅಂಥದ್ದೊಂದು ಅವಕಾಶ ಸಿಕ್ಕಿದೆ. ಇದನ್ನು ಇಲ್ಲೇ ಮುಗಿಸಬೇಕು ಎಂಬ ಕಾರಣಕ್ಕೆ ಈ ಕುರಿತು ಸ್ಪಷ್ಟೀಕರಣ ಕೊಟ್ಟಿದ್ದೇನೆ. ನನಗೆ ಸದ್ಯ ಮದುವೆ ಆಗುವ ಯೋಚನೆ ಇಲ್ಲ. ಸದ್ಯ ನಾನು ನನ್ನ ವೃತ್ತಿಜೀವನದ ಬಗ್ಗೆ ಹೆಚ್ಚಾಗಿ ಗಮನಹರಿಸುತ್ತಿದ್ದೇನೆ’ ಎಂದು ಸ್ಪಷ್ಟಪಡಿಸಿದ್ದಾರೆ.
‘ಸೂತ್ರಧಾರಿ’ ಚಿತ್ರಕ್ಕೆ ಕಿರಣ್ ಕುಮಾರ್ ಕಥೆ-ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದು, ನವರಸನ್‍ ನಿರ್ಮಾಣ ಮಾಡಿದ್ದಾರೆ. ಚಿತ್ರದಲ್ಲಿ ಚಂದನ್‍ ಶೆಟ್ಟಿ, ಸಂಜನಾ ಆನಂದ್‍, ಅಪೂರ್ವ, ಪ್ರಶಾಂತ್ ನಟನ ಮುಂತಾದವರು ನಟಿಸಿದ್ದು, ಚಿತ್ರಕ್ಕೆ ಪಿ.ಕೆ.ಎಚ್‍. ದಾಸ್ ಛಾಯಾಗ್ರಹಣವಿದೆ.
-
Doora Theera Yaana; ಮಂಸೋರೆ ಕಡೆಯಿಂದ ದೂರ ಪ್ರಯಾಣಕ್ಕೊಂದು ಹಾಡು …
ಕಳೆದ ವರ್ಷ ‘ದೂರ ತೀರ ಯಾನ’ (Doora Theera Yaana) ಚಿತ್ರವನ್ನು ಪ್ರಾರಂಭಿಸಿದ್ದ ನಿರ್ದೇಶಕ ಮಂಸೋರೆ (Mansore), ಈ ವರ್ಷ ಜುಲೈ ತಿಂಗಳಲ್ಲಿ ಚಿತ್ರ ಬಿಡುಗಡೆ ಮಾಡುವುದಾಗಿ ಹೇಳಿದ್ದರು. ಆ ಮಾತನ್ನು ಅವರು ಉಳಿಸಿಕೊಂಡಿದ್ದಾರೆ. ‘ದೂರ ತೀರ ಯಾನ’ ಚಿತ್ರವು ಜುಲೈ 11ರಂದು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದ್ದು, ಚಿತ್ರದ ಪ್ರಚಾರ ಪ್ರಾರಂಭವಾಗಿದೆ. ಮೊದಲ ಹಂತವಾಗಿ ಚಿತ್ರದ ಶೀರ್ಷಿಕೆ ಗೀತೆಯನ್ನು ಬಿಡುಗಡೆ ಮಾಡಲಾಗಿದೆ. ಹಿರಿಯ ನಿರ್ದೇಶಕ ಸುನೀಲ್‍ ಕುಮಾರ್ ದೇಸಾಯಿ, ನವೀನ್‍ ಶಂಕರ್‌ ಮುಂತಾದವರು ಈ ಸಂದರ್ಭದಲ್ಲಿ ಹಾಜರಿದ್ದರು. MRT…
-
Darling Krishna Brat; ಕೃಷ್ಣ ನಟನೆಯ ‘ಬ್ರ್ಯಾಟ್’ ಚಿತ್ರದ ಟೀಸರ್
ಬ್ರ್ಯಾಟ್ ಸಿನಿಮಾವDarling Krishna Bratನ್ನು ಶಶಾಂಕ್ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ಡಾರ್ಲಿಂಗ್ ಕೃಷ್ಣ ನಾಯಕನಾಗಿ ಹಾಗೂ ಮನಿಶಾ ಕಂದಕೂರ್ ನಾಯಕಿಯಾಗಿ ನಟಿಸಿದ್ದಾರೆ. ಉಳಿದಂತೆ ಅಚ್ಯುತ್ ಕುಮಾರ್, ರಮೇಶ್ ಇಂದಿರಾ, ಡ್ರ್ಯಾಗನ್ ಮಂಜು ಮುಂತಾದವರು ತಾರಾಗಣದಲ್ಲಿದ್ದಾರೆ. ಅಭಿಲಾಷ್ ಕಲ್ಲತ್ತಿ ಛಾಯಾಗ್ರಹಣ, ಅರ್ಜುನ್ ಜನ್ಯ ಸಂಗೀತ ಹಾಗೂ ಗಿರಿ ಮಹೇಶ್ ಸಂಕಲನ ಚಿತ್ರಕ್ಕಿದೆ. ಮಂಜುನಾಥ್ ವಿ ಕಂದಕೂರ್ ಈ ಸಿನಿಮಾವನ್ನು ಡಾಲ್ಫಿನ್ ಎಂಟರ್‌ಟೈನ್ಮೆಂಟ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣ ಮಾಡಿದ್ದಾರೆ. ಇದೊಂದು ಅಪ್ಪ ಮಗನ ಸಂಘರ್ಷದ ಕಥೆಯಾಗಿದೆ. ಅಪ್ಪನ ಪಾತ್ರದಲ್ಲಿ ಅಚ್ಯುತ್ ಕುಮಾರ್…
(Sanjana Anand also addressed the rumors by saying she is not dating Chandan Shetty and asked people to stop spreading false information. Rumors surfaced suggesting Chandan Shetty was preparing to marry Sanjana Anand after his divorce from Niveditha Gowda, but Chandan Shetty has addressed these rumors as false, asking people to stop spreading misinformation.)
One thought on “Sanjana Anand; ನನ್ನ, ಚಂದನ್‍ ನಡುವೆ ಏನಿಲ್ಲ: ಸಂಜನಾ ಆನಂದ್‍ ಸ್ಪಷ್ಟನೆ”