Horror Film; ‘ಬ್ಲಿಂಕ್‍’ ನಂತರ ಶ್ರೀನಿಧಿ ಹೊಸ ಪ್ರಯೋಗ; ಈ ಬಾರಿ ಹಾರರ್ ಚಿತ್ರ

‘ಬ್ಲಿಂಕ್‍’ (Blink) ಚಿತ್ರದ ನಂತರ ನಿರ್ದೇಶಕ ಶ್ರೀನಿಧಿ ಬೆಂಗಳೂರು (Srinidhi Bengaluru) ಮತ್ತು ನಟ ದೀಕ್ಷಿತ್‍ ಶೆಟ್ಟಿ (Dheekshith Shetty) ಮತ್ತೆ ಜೊತೆಯಾಗಿದ್ದಾರೆ. ಈ ಬಾರಿ ಈ ಜೋಡಿ ಹಾರರ್‌ ಚಿತ್ರವೊಂದನ್ನು ಮಾಡುತ್ತಿದ್ದು, ಚಿತ್ರ ಇದೇ ವರ್ಷ ಬಿಡುಗಡೆಯಾಗಲಿದೆ.

ಹಾರರ್‌ ಚಿತ್ರಗಳಲ್ಲೇ Found Footage ಎಂಬ ಶೈಲಿಯೂ ಒಂದು. ಒಂದು ಸ್ಥಳದಲ್ಲಿ ನಡೆಯುವ ಒಂದಿಷ್ಟು ಚಿತ್ರವಿಚಿತ್ರ ಘಟನೆಗಳನ್ನು ಒಂದು ಕ್ಯಾಮೆರಾ ಮೂಲಕ ಹೇಳುವ ಪ್ರಯತ್ನವೇ ಈ Found Footage. ಈ ತರಹದ ಚಿತ್ರಗಳ ಸಾಲಿನಲ್ಲಿ ಕನ್ನಡದಲ್ಲಿ ಬಂದ ‘6-5=2’ ಚಿತ್ರ ಸಹ ಒಂದು. ‘6-5=2’ ನಂತರ ಯಾರೂ ಈ ತರಹದ್ದೊಂದು ಪ್ರಯತ್ನ ಮಾಡಿರಲಿಲ್ಲ. ಈಗ ಅದೇ ಶೈಲಿಯ ಇನ್ನೊಂದು ಪ್ರಯತ್ನ ಮಾಡುತ್ತಿದ್ದಾರೆ ಶ್ರೀನಿಧಿ ಬೆಂಗಳೂರು. ಒಂದು ಹಾಂಟೆಡ್‍ ಸ್ಥಳಕ್ಕೆ ವ್ಲಾಗರ್‌ ಹೋದಾಗ, ಅಲ್ಲಿ ಏನೆಲ್ಲಾ ಆಗುತ್ತದೆ ಎಂಬುದನ್ನು ಈ ಚಿತ್ರ ಹೇಳುತ್ತದಂತೆ.

ಈ ಹೊಸ ಚಿತ್ರದ ಚಿತ್ರೀಕರಣ ಕಳೆದ ಡಿಸೆಂಬರ್‌ನಲ್ಲೇ ಪ್ರಾರಂಭವಾಗಿದ್ದು, ಎರಡು ಹಂತಗಳ ಚಿತ್ರೀಕರಣ ಸಹ ಮುಗಿದಿದೆಯಂತೆ. ಈ ಚಿತ್ರಕ್ಕೆ ಐದಾರು ಕ್ಯಾಮೆರಾಗಳನ್ನು ಸತತವಾಗಿ ಬಳಸಿ ಚಿತ್ರೀಕರಣ ಮಾಡಲಾಗುತ್ತಿದೆ. ಇಲ್ಲಿ ಕಲಾವಿದರ ಜೊತೆಗೆ ಕ್ಯಾಮೆರಾ ಸಹ ಪ್ರಮುಖ ಪಾತ್ರ ವಹಿಸಲಿದೆಯಂತೆ.

‘ಬ್ಲಿಂಕ್‍’ ಚಿತ್ರಕ್ಕೆ ಕೆಲಸ ಮಾಡಿದ ತಂಡವೇ ಇಲ್ಲೂ ಕೆಲಸ ಮಾಡಲಿದೆಯಂತೆ. ಆ ಚಿತ್ರವನ್ನು ರವಿಚಂದ್ರ ನಿರ್ಮಿಸಿದ್ದರು. ಈ ಚಿತ್ರಕ್ಕೆ ಅವರೊಬ್ಬರು ಬದಲಾಗಿದ್ದು, ಮಿಕ್ಕಂತೆ ‘ಬ್ಲಿಂಕ್‍’ ಚಿತ್ರಕ್ಕೆ ಕೆಲಸ ಮಾಡಿದ ಛಾಯಾಗ್ರಾಹಕ ಅವಿನಾಶ್‍ ಶಾಸ್ತ್ರಿ, ಸಂಗೀತ ನಿರ್ದೇಶಕ ಪ್ರಸನ್ನ ಕುಮಾರ್‌ ಮುಂತಾದ ತಂತ್ರಜ್ಞರೇ ಇಲ್ಲೂ ಮುಂದುವರೆಯಲಿದ್ದಾರೆ.

ಆ ಚಿತ್ರದಲ್ಲಿ ನಾಯಕನಾಗಿದ್ದ ದೀಕ್ಷಿತ್‍ ಶೆಟ್ಟಿ, ಇಲ್ಲೂ ನಾಯಕನಾಗಿದ್ದು, ಜೊತೆಗೆ ಐವರು ಹೊಸ ನಟ-ನಟಿಯರು ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಬಾಕಿ ಉಳಿದಿರುವ ಚಿತ್ರೀಕರಣ ಬೇಗ ಮುಗಿಸಿ, ಮುಂದಿನ ಕೆಲವು ತಿಂಗಳುಗಳಲ್ಲಿ ಚಿತ್ರವನ್ನು ಬಿಡುಗಡೆ ಮಾಡುವುದು ಶ್ರೀನಿಧಿ ಯೋಚನೆ. ಈ ಚಿತ್ರದ ಹೆಸರು ಸದ್ಯದಲ್ಲೇ ಬಿಡುಗಡೆಯಾಗಲಿದೆ. ಟೀಸರ್‌ನಲ್ಲೇ ಚಿತ್ರದ ಹೆಸರು ಸಹ ಘೋಷಣೆಯಾಗಲಿದೆ.

Jana Nayagan; ಮುಂದಿನ ಸಂಕ್ರಾಂತಿಗೆ ಬರಲಿದ್ದಾನೆ ಜನ ನಾಯಗನ್‍; KVN ನಿರ್ಮಾಣದ ಮೊಲದ ತಮಿಳು ಚಿತ್ರ

Kalaghatta; ಒಂದೇ ಕಥೆ, ಎರಡು ‘ಕಾಲಘಟ್ಟ’; ರಾಯರ ಸನ್ನಿಧಾನದಲ್ಲಿ ಪೋಸ್ಟರ್ ಬಿಡುಗಡೆ

(After the movie Blink, director Srinidhi Bengaluru and actor Dheekshith Shetty are teaming up once again. This time, the duo is working on a horror film, which is set to release this year.

In the horror genre, there is a style called Found Footage. This style involves narrating a series of strange incidents happening in a particular place through the perspective of a camera. The Kannada film 6-5=2 was one such example of a found footage movie. After 6-5=2, no one attempted this style in Kannada cinema. Now, Srinidhi Bengaluru is making another attempt in the same style.

The film revolves around a vlogger who visits a haunted location and experiences a series of eerie and mysterious events. The movie aims to showcase what happens to the vlogger in this terrifying journey.)